REFLEKSYON AK DIREKTÈ LEKÒL YO
P4H egzije pou tout direktè lekòl yo swiv fòmasyon Asirans Kalite Lekòl P4H yo. Patisipasyon direktè yo ap asire nou, yo santi pwogram nan sipòte yo, epi rann yo responsab pou itilize estrateji yo pandan tout ane a.
Nou kwè reyisit elèv yo kòmanse ak kapasite epi inite estaf la nan vizyon pou lekòl yo, epi nan estrateji yo itilize pou re jwenn elèv yo.
Panse nou pral jwenn yo la reflete atitid ak refleksyon kèk direktè ki te patisipe nan pwogram Devlopman Pwofesyonèl nan Lekòl la.
Dippy Adolphe - Direktè Lekòl Primè
"Pwofesè m yo te deklare okenn fòmasyon yo te swiv deja pa te dewoule nan nivo sa”. Yo te di ankò, fòmatè P4H yo te pran swen pou asire direktè yo te aprann byen. Fòmasyon sa vrèman diferan de tout lòt fòmasyon mwen te konn swiv. Li konstwi konesans mwen te gentan genyen yo yon fason ki mete m konfòtab. Se vre ban yo te di anpil, men sa pat kapab anpeche n swiv fòmasyon an pandan tout jounen an. Pastè legliz la te mande m pou m evalye si wi ou non mwen ta renmen P4H retounen. Pou mwen menm, mwen sèlman anvi P4H vini pou fòme pwofesè mwen yo paske anviwonman fòmasyon an te pèmèt nou genyen yon espri komen pataje, ak yon anvi pou nou kreye chanjman."
Placide Romelus - Direktè Lekòl Segondè
“Fòmasyon sa te enpòtan pou pwofesè m yo paske yo temwanye jan yo te konn abitye itilize pinisyon kòporèl ak fè timoun yo wont kòm metòd jesyon salklas nan tan ki te pase yo. Kounye a, yo vin deside pou itilize lòt estrateji ki baze sou rechèch ki ap pèmèt elèv yo angage. Sa se gras fòmasyon P4H te ba yo a. Pwofesè yo kwè fòmasyon sa pral ede yo kreye yon nouvo modèl edikasyon an Ayiti.”
Against Isaac - Direktè Lekòl Primè
“Nou te bezwen fòmasyon sa anpil paske P4H te vini epi fè yon obsèvasyon preliminè, epi yo te gentan dekouvri bezwen yo pou yon fòmasyon pedagojik. Pwofesè yo te konstate kourikoulòm P4H la te byen òganize. Yo vle P4H kontinye fè fòmasyon, epi kreye lòt tip fòmasyon. Konsa y ap toujou ka aprann ak P4H.”
Nadine Senatus - Direktris Lekòl Primè
“Nan lòt fòmasyon mwen konn abitye patisipe, mwen konn sèlman chita pou m asiste, men fòmasyon P4H la fè m angaje epi patisipe ladan l. Pat genyen moun ki te anvi dòmi nan fòmasyon an. Apre premye jou a, nou pa t kapab tann pou dezyèm jou fòmasyon an rive. Te genyen anpil kè kontan nan fòmasyon an. Li te vrèman amizan. Youn nan bagay ki fè fòmasyon an diferan de sa lòt òganizasyon konn òganize, se paske P4H rete konekte ak yo apre fòmasyon an. Atitid nou se tankou yon pastè ki anvi kenbe swivè li yo djanm nan chimen lafwa.”
